Brezhoneg / Articles en Breton

D’an 13 a viz Eost 1940 e voe harzet Lluis Companys, prezidant ar gatalaniz er Baol.

Pinterest LinkedIn Tumblr

77 vloaz zo e voe harzet Lluis Companys prezidant ar gatalaniz en harlu e kumun ar Baol-Skoubleg. Da heul goulennoù Franco d’an nazied e voe bet harzet e Breizh gant ur bagad polisirien eus al lu alaman. Tapet en doa hent an divroañ evel kalz deus e genseurted ha kenvroiz da heul diskar ar republik e Katalonia hag e peurrest stad-spagn.

Unan eus krouerien ar strollad ERC (Esquerra Republicana de Catalunya/Republikaned an tu-kleiz eus Katalonia) e voe bet ha renet en doa gouarnamant Katalonia adalek 1934. Anavezet a reas an toull-bac’h er bloavezhioù 20 evit e stourm sokial.

Adalek Breizh en doa klasket aozañ ar sikourioù evit e genvroiz dasparzhet en tu-mañ eus ar pireneoù ha reiñ buhez da c’houarnamant Katalonia en harlu.

Diouzhtu goude bezañ bet tapet e voe bet kaset da doull-bac’h La Santé e Pariz ha da heul e Madrid e-lec’h ma voe bet jahinet. E miz Here e voe bet fuzuilhet gant ar faskourien.

Dirak o fuzuilhoù e huchas : “Per Catalunya !” (Evit Katalonia !).

Bep bloaz e vez rentet enor dezhañ e Katalonia ha gwezhoù zo e Breizh.

77 vloaz goude e vuñtr e c’hello pobl Katalonia reiñ he soñj d’ar 1añ a viz Here da zont evit divizout ha fellout a ra dezhi e vefe graet ur republik dizalc’h eus Katalonia.

 

Write A Comment