Ouzhpenn 500 den ‘oa deuet d’ar Sul 15 a viz c’hwevrer da heul galv ar strollad “Douar Didoull” da bourmen e koad an noz e kumun Benac’h evit lâret nann d’ar raktres minoù zo er vro gant an embregerezh Variscan.
A-bep seurt tud a ao deuet gant o mignoned pe bugale, lod boaz da vanifestiñ evit an endro, met ivez dilennidi, baleerien pe chaseourien mesk ha mesk gant punked ar vro.
Dindan skeud ar c’hastell en doa gellet pep hini deskiñ hiroc’h diwar-benn raktresoù Variscan, rein un tamm monneiz d’ar stourmerien en ur zebriñ krampouezh pe en ur chopinata.
Heol, sonerezh ha plijadur ‘oa bet , ar pezh na vir ket ouzh stourmerien ar c’hoadoù da chom mennet da zerc’hel penn en Treger evel e lec’h all d’ar gevalaourien a faota dezhe preizhañ mamm-douar hag he finvidigezhioù hep kemer e kont ali ar bobl.
Kavout a rafed amañ dindan un tamm testenn e brezhoneg skignet gante hag ur roll darvoudoù da zont.
Keleier Breizh dieub ha sokialour.
Petra eo Douar Didoull ?
Ur strollad sitoianed zo bet savet tro-dro da Lok Envel, e anv Douar Didoull : ” strollad evit gwareziñ hon douar, hag enep ar raktres mengleuzioù”. E bal zo kelaouiñ ha sevel tud ar vro hag an dilennidi evit mont a-enep ar raktres-mañ.
Petra eo ?
Ur raktres bras da dennañ kailh eus an douar bet lañset gant VARISCAN Mines ; 336 km a c’hallfe bezañ taget war un dachenn anvet hini Lok-Envel.
Pelec’h emañ ?
E Breizh emañ ar raktres war 3 dachenn, kazi 90 000 devezh-arat an holl : Silfieg (22 – 56) , Merleag (22) ha Lok Envel (22).Met ouzhpenn eus Breizh emañ ar raktres ivez : tachennoù a zo er c’h-Creuse, er Sarthe hag el Loiret.
Pegoulz ?
Ur goulenn-aotre da glask mengleuzioù evit un embregerezh hepken a zo bet savet e miz Genver 2013. Roet eo bet an aotre evit tachennoù Merleag, er Sarthe hag er c’h-Creuse c’hoazh, hag a-benn nebeut e c’hallfe bezañ roet evit tachenn “Lok Envel”. Ret eo goût ez eus bet kaset labourioù enklask bloavezhioù zo er vro c’hoazh hag e vez gouiet mat-tre ‘pezh zo ‘ba’n douar : sklaer eo e vo roet an aotre da dennañ kailh neuze.
Penaos ?
– Evit klask : teknikoù toullañ don-tre.
– Evit tennañ : impljet ‘vez produioù kimiek dañjerus (sianur, arsenik hag all). An holl deknikoù-se a c’hallfe leuskel ivez danvezioù radioaktiv evel ar radon dont ‘maez eus an douar. Ha kement-mañ hep na vije goulennet mann ebet digant tud ar vro betek bremañ !
Ankenius evit an holl : !
Tud ar vro ha tro-dro : Hon yec’hed, hon lec’h ha mod da vevañ, hon endro, talvoudegezh hon tachennoù hag hon tier a zo en arvar. !
Labourerien douar : Riskloù da vezañ skarzhet eus tachennoù zo, ‘vefe distrujet douaroù-labour, saotret an douar hag an dour. !
Chaseourien, pesketourien ha tud a gar an endro : Direnket ‘vo al loened hag ar plant, nebeutaet an tachennoù chaseal, pesketa ha pourmen, disteraet braventez ar vro. !
Pep hani : Konsekañsoù bras a vo war an endro, hag a bado meur a degad war-lerc’h fin ar pennad
tennañ kailh, dre ma n’eur ket kat da naetaat al lec’hioù gant an teknikoù a zo dionte hudu an deiz :
-Distabilaet vo an douaroù, distrujet koadeier,
-Ret ‘vo toullañ ha kempenn muioc’h hentoù nevez gant hon tailhoù,
-Saotret vo an douaroù, an dour war-c’horre pe dindan an douar, ma vo mengleuzioù digor e vo soatret an aer ivez. Da c’hoût eo : ne vo labour ebet evit tud ar vro (re ispisializet eo al labourioù pe implijet ‘vez tud paeet fall-put) met sur vo lakaet en arvar labourioù war al labour-douar hag an tourism.
Darvoudoù da zont :
-Emvod publik e Kallag d’ar Yaou 19 a viz C’hwevrer e sal ar gouelioù da 8e noz
-Fest Noz skoazell e Bulad Pestivien d’ar Sadorn 21 a viz C’hwevrer
-Emvod publik e Plounevez d’ar Yaou 26 a viz C’hwevrer
> Habitants des communes visées et environnantes : 
