N’eo ket chomet diseblant yaounkizoù Breizh dirak marv Remi Fraisse bet lazhet gant ar polis gall e Sivens (Okitania ).
Splann eo kement se pa weler ar manifestadegoù bet dalc’het evit goulenn ma chomo ar polis a-sav gant e doareoù feulst e pep korn hor bro.
Ur vanif all ‘vo dalc’het d’ar sadorn 22 a viz Du e Naoned dirak al lezvarn evit enebiñ ouzh feulster ar polis hag ar gwaskerezh.
Emichañs ‘vo tud !
Da glozañ e embannomp amañ un droidigezh vrezhonek eus testenn vrudet Paul Eluard “Un homme est mort” graet gant ur studier yaouank eus skol-veur Roazhon 2.
Trugarez dezhañ.
MARVET ZO UN DEN
Marvet zo un den n’en doa ‘vit ‘n em zifenn
‘Met e zivrec’h digor d’ar vuhez
Marvet zo un den n’en doa e-giz heñchoù
‘Met ar re ma vager kaz ouzh ar fuzuilhoù
Marvet zo un den a gendalc’h da stourm
Enep an Ankou hag an ankoun
Rak kement tra a felle dezhañ
A felle dimp ivez
A fell dimp hirie
Ma vo eus al levenez
Ar sklêrijenn
E goueled an daoulagad
E goueled ar galon
Hag ar justis war an douar
Bez’ zo gerioù a zegas buhez
Ha gerioù direbech dioute
Ar ger tommder ar ger fiziañs
Karantez justis hag ar ger frankiz
Ar ger bugel hag ar ger koantiri
Ha lod anvioù bleunioù ha lod anvioù frouezh
Ar ger kouraj hag ar ger diskoachañ
Hag ar ger breur hag ar ger kamarad
Ha lod anvioù broioù anvioù kêrioù
Ha lod anvioù merc’hed ha mignonezed
Lakomp anv Remi ouzhpenn
Remi zo marvet ‘vit pezh ‘ra dimp bevañ
Deomp dre « te » gantañ toullet eo e vruched
Met gras dezhañ ‘n em anveomp gwell
Deomp dre « te » an eil gant egile
Bev eo e esperañs
***
paulACABéluard
E koun Rémi Fraisse, 21 bloaz, lazhet gant ar fliked e Sivens (Tarn) d’ar 26 a viz Here 2014.