Le Télégramme nous apprenait hier que des parents se sont vu refuser le nom breton — Fañch — qu’ils voulaient donner à leur enfant. La justification qui leur a été faite à l’état civil provient d’une circulaire du 23 juillet 2014 qui interdit apparemment l’utilisation le “n tilde” (“ñ“).
Il est anormal qu’en 2017 on en soit encore à devoir se battre pour simplement donner un prénom breton à nos enfants… Cela démontre bien le mépris de l’état Français qui continue à nous interdire d’utiliser notre propre langue et décide comment nous devrions écrire nos prénoms !
Pour montrer notre mécontentement et demander à changer cette loi ridicule, vous pouvez écrire un petit message sur la page Facebook de votre préfecture, ou bien changer votre photo de profil sur Facebook, Twitter et autres réseaux sociaux en mettant ce message par exemple :
Changeons la loi ! Langue bretonne officielle !
Poent eo cheñch al lezenn !#BZHG YEZH OFISIEL !#Fañch#BZH
http://www.bretagne-info.org/2017/05/15/fanch-face-a-l-interdiction-de-prenoms-bretons-officialisons-la-langue-bretonne/
E-korf un nebeud sizhunvezhioù ez eus bet aozet un toullad mat a zarvoudoù evit difenn ar gouezeleg en Iwerzhon. Ur mor a dud en doa kemeret perzh e Rith (Redadeg ar vro !) ha da heul e oa bet div vanifestadeg ledan a-walc’h e Dulenn hag e Belfast.
Ur vreizhadez yaouank harluet eno evit he studioù he deus kaset deomp un testenni a embanomp amañ dindan.
Trugarez vras dezhi evit ar skrid !
Kentelius ez eo gouzout e talc’h Iwerzhoniz kar-o-yezh gant o stourm enep youl fall parlamant Stormont an Hanternoz a chom dindan beli Rouantelezh-Unanet koulz hag e republik ar c’hreisteiz daoust m’emañ sañset kenofisiel ar gouezeleg el lodenn se eur ar vro.
Keleier Breizh Dieub ha Sokialour.
“An lá Dearg” e Belfast
6 sizhunvezh goude ar vanifestadeg bet dalc’het e Dulenn anvet « Lá Mór na Gaeilge », (devezh bras ar gouezeleg) e lec’h e oa en em vodet kalz eus gouezelegerien Iwerzhon (eus an norzh kement hag ar Su) manifestet zo bet adarre evit o yezh vroadel e Belfast d’ar sadorn 12 a viz Ebrel dindan ar ger-stur “An lá Dearg”, (an devezh ruz) a oa krog e Cultúrlann da 2e GM hag echuet er Custom House Square e kreiz-kêr Belfast.
Pal ar vanifestadeg a oa goulenn kevatalder, gwirioù ha justis evit ar gouezeleg hag evit an dud a gomz ar yezh.
Sed aze azgoulennoù ar c’houlzad :
• Ul lezenn diazez evit gwirioù ar gouezeleg en Hanternoz.
• Ma vije ret da c’houarnamant lec’hel an Hanternoz (hini parlant Stormont) lakaat e pleustr un hentenn a zeskadurezh en Iwerzhoneg.
• Ma vije arc’hantaouet ha harpet en un doare dereat kumuniezh ar ouezelegerien.
Arru eo skuizh an dud gant ar gouarnamant na ziskouez interest ebet evit ar gouezeleg. Seán Ó Cuirreáin, komiser ar yezhoù ofisiel e Bro-Iwerzhon en doa roet e zilez rak ar santimant en doa bezañ dic’halloud dirak ar gouarnamant.
Hervezh an aozerien e oa bet betek 10 000 den o vanifestiñ e straedoù Belfast, « Dearg lá Fearg ! » (Fuloret ruz) a veze huchet gant an dud gour kement hag ar re vunud.
War an hent ez eus bet tro da welet un dornadig lealourien gant banniel ar Rouantelezh-Unanet oc’h ober saludoù nazi d’an dud o vanifestiñ pa oa pell muioc’h a re all o stlakañ o daouarn evit diskouez o skoazell a-hed an hent.
Ul leurenn a oa bet staliet er Custom House Square evit degemer an dud. Kemeret e oa bet ar gaoz gant skolidi o c’houlenn doareoù trueuzdougen evit mont d’ar skol* ouezelek, gant an aozerien met ivez gant sonerien ha danserien. Aozet zo bet ur sonadeg vras diouzh noz gant strolladoù rock, punk ha reggae a gan e Gouezeleg.
Hervez an aozerien, ar pal a zo aozañ un dra nevez e Gouezeleg bep 6 sizhun da zerc’hel gant ar c’houlzad . Ne vije dre ret ur vanifestadeg, met sonadegoù pe darvoudoù all , evit diskouez diskouez o youl da vezañ trec’h ha diskouez emañ ar gouezeleg perzh eus o vuhez pemdeziek. Kredapl eo eta ne ra nemet kregiñ ar stourm nevez evit m’az afe war-raok yezh an Iwerzhoniz en daou du eus an harz .
*(nac’het eo bet dezho an transportoù pe ar yalc’hadoù peogwir emaint o vevañ tost diouzh ar skol a vefe tu dezhe mont war-droad betek enni. Diaes eo en ober , kar ez eo ret treuziñ ur c’harter protestant .Ar pezh a chom dibosubl d’ober en en ur mod didrabas c’hoazh hiziv an deiz e Belfast . Bemdez e savont da 6e30 evit kemer ur bus a ra un distro vras evit mont betek ar skol)
Dec’h, d’an 29 a viz Meurzh, pa’oa bet votet steuñv neveziñ ar politikerezh yezh gant kuzul-rannvro Breizh velestradurel, stourmerien Breizhistance o doa lakaet o azgoulennoù war wel. E-pad breud kuzul-rannvro Breizh velestradurel hon doa dispaket ur giton “Brezhoneg yezh ofisiel=Parlamant“, en ur bouezañ war al lugan-mañ hag en eu deurel traktoù gant hon azgoulennoù. Dre ur gallaoud politikel lec’hel e vo roet d’ar brezhoneg ar plas a dle kaout er vuhez pemdeziek.
« N’eo ket politikerezh yezh kuzul-rannvro Breizh velestradurel a fell deomp dispriziañ » eme unan eus ar vanifesterien. “ ha c’hoazh : « Faot a ra deomp lakaat ar gaoz war an diouer a zemokratelezh e Breizh ha diefeusted an ensavadurioù evel ma vezont betek bremañ”
E penn-kentañ an nozvezh e oa en em vodet un tregont stourmer bennak eus Breizhistance, gant tud UDB, dirak ar Rannvro.
Adembann a reomp neuze n’eus nemet ur strollegezh, bodet enni an holl zepartamantoù (Liger-Atlantel en o zouez) hag ar rannvro, dezhi barregezhioù lezenniñ, ha kemeret ganti hent ur parlamant lec’hel gwirion, a vo gouest da remediañ ouzh ar berrentezioù-se.
N’eus nemet ur parlamant breton a c’hello reiñ d’ar yezh vrezhonek ar binviji ret da zerc’hel anezhi bev ha d’he ziorren, hag a walc’ho an diouer a zemokrateleezh lec’hel war holl diriad Breizh.