Brezhoneg / Articles en Breton

Ar 4 a viz Kerzu : devezh broadel Andalucia

Pinterest LinkedIn Tumblr

D’ar 4 a viz Kerzu e vez kinniget d’an Andaluziz dibuniñ evit frankiz o bro. Mard eo anat deomp ez eus eus un emskiant vroadel e Galiza, er Broioù Katalan hag en Euskal Herria n’eo ken splann da vrogarourien Breizh e fell da Andaluziz zo kaout muioc’h a frankiz evit o bro.

Lod a blij dezhe degas da soñj e oa bet un emsavadeg armet e Kadiz d’ar 4 a viz Kerzu 1868 evit ma vije bet krouet ur republik kengevreadel er stad. Orin an deiziad broadel e vefe neuze.

Ar 4 a viz Kerzu a zo bet lakaet da zevezh broadel Andalucia abaoe 1977. D’ar bloavezh se e oa bet tro da daou vilion a dud o tibuniñ e kerioù pennañ ar vro evit goulenn groñs ur statud a emrenerezh digant Madrid. An hevelep devezh ur micherour yaouank a oa bet lazhet gant ar polis e-doug ur vanif e Malaga : Manuel José García Caparrós.

garcia+caparros

Ur banniel gwenn etre bandennoù gwer (gant ur steredenn ruz war re an dizalc’hourien) a weler stank ivez d’an devezh se, hag un ton broadel a c’heller selaou, bet skrivet gant Blas Infante bet kannad Andalucia e 1936 ha fuzuilhet gant soudarded Franco. Lakaet eo alies gant brogarourien Andalucia da « dTad ar vro ».

Kement-se zo eus perzhioù pennañ ur vroadelezh dianav deomp. Da heul manifestadeg ar 4 a viz Kerzu 1977 e oa bet roet ur statud a emrenerezh ledan a-walc’h da Andalucia. Deskrivet eo evel e bonreizh Spagn 1978 evel unan eus « broadelezhioù istorel » ar stad.

1476082_885845421439534_3369296158568539576_n

Meur a strollad a glasko leuniañ boulouardoù ar vro d’ar 4 a viz Kerzu ar bloaz mañ.

En o zouez e c’hellet ober anv eus Nacion Andaluza ( dizalc’hourien an tu-kleiz) , Jaleo ( aozadur dispac’hel ha dizalc’hour ar re yaouank ) , ha Andalucia Communista a gleiz tout.

Dre mard eo unan eus kornioù paourañ ar stad ez eo stag mat ar mennozh broadel e Andalucia gant hini ar justis sokial. Ur sindikad zo a tleer mennegiñ (SAT/SOC) : hini labourerien Andalucia .

Galloudus mat eo , bodañ a ra miliadoù a labourien gant doareaoù ober radikal levezonet gant an hengoun liberter ha komunour kreñv zo er vro . Ar SAT/SOC en deus galvet ivez e holl izili da vont da vanifestiñ « evit difenn ar gwir da zibab » dindan ar ger-stur « Bara, Labour ha Souvereniezh ».

Write A Comment