Kenavo Kamalad
Pell Pell Pell war douarioù ar Rojava
‘Meump kollet ur wir a zen da viken
Diwadañ a ra spi ar vretoned
Koulz ha spi da vignoned ar Gurded
*
Te oa aet da zifenn ar frankiz
Ur bobl-nes taget gant an Durkiz
Barzh da sac’h : Levenez, Karantez ha Lorc’h
Ha barzh da c’henoù : Kan da bobl e fulor
*
Bro-garour e oas ha da vro da gare
Ra chomo bev da viken da Ene
Hon fulor a gresko ‘enep da vourev
Biken na vo trec’het, da youl a vevo
*
Mibien ha Merc’hed savit holl a-gevret
Da zifenn hon gwirioù da enoriñ Olier
Ur brokus a baotr marvet kalz re abred
Aet da anaon bremañ, a-raok gwelet an trec’h
*
Eus Breizh da Euskal betek Bro Gurdistañ
Ar re vunut a glevo sarac’h hon glac’har
Pa savo warc’hoazh war gern ar menezioù
Yud hon c’hounnar ‘barzh avel an Dispac’h
*
Marv eo Olier, Marv eo Kendal
Marv hon c’hamalad, lazhet gant Erdogan
Bro C’hall ‘zo kablus, He c’hasaat a reomp
Kement ha Bro Durki, Torfedourien faskour
*
An Drian ne rann grik, re a armoù da werzhañ
Bro Durki ‘deus ar gwir da lazhañ hervezañ
Erdogan-An Drian mignoned da viken
‘Neunt lazhet hon mignon, ra baefet ho torfed
*
Da garout a reomp Olier a Vro Pourlet
‘Bet e Rojava da zifenn ar frankiz
Frankiz ur bobl sonn ‘nep d’ar faskourien
Evit sevel da viken ur wir vuhez a beoc’h !
*
Te blije dit ar vuhez, leun a joa ha birvilh
Te blije dit an dud, da vro da yezh da bobl
Te blije dit kanañ, te blije dit c’hoarzhiñ
Ra chomi da viken Don Don ‘ba hon c’halon
*
Kenavo mignon
Fuck the fascists everywhere
Betek an Trec’h Bepred !
Plounevez Moedeg
D’an 19 a viz C’hwevrer
2 Comments
Pingback: Stampa Corsa, informations corses – « Kenavo Kamalad », ur barzhoneg e koun Kendal Breizh
Pingback: Stampa Corsa, informations corses – Kenavo kamalad ( english Version )